اعلانات رمضانية

البلد بتتحرك .... والغسيل رايح ع فيـــن

الغالى تمنه فيـــه

طبعا الغالى تمنه فيه، وبما انا كلنا مفلسين عشان العيال عايزين حاجات المدارس و المدارس عايزة المصاريف ، وامهم عايزة لبس العيد للعيال عشان تلحق الحاجة الحلوة بدرى ، وطبعا حاجات رمضان من مكسرات و خلافه ، والمفروض انك تعمل حساب نصيب اخوانك من الصدقات و الزكاة اللى هو اهم حاجة ف الشهر الكريم ، و يا سلام بقه من كام عزومة ح تعملها ع الفطار عشان رمضان كريم يحب اللمة ، و دخلك هو هو بتاع الايام العادية بلا مفاجآت ... عشان كده انا قررت انا مش حأشترى الا الغالى بس عشان الغالى تمنه فيه ، و انا شايف ان الحاجة كلها اكازيونات و تخفيضات و أسعار رخيصة و لذلك قررت عدم شراء اى حاجة من اى حد ( من الآخر مش عارف أعمل حاجة ف كل الحاجات دى )

أمى الغالية مع أخى العزيز فى الاراضى الحجازية لاداء عمرة أواخر شعبان
يارب أسالك قبول الدعاء و الرحمة على والدنا المرحوم باذنك يا رب و اللى يوافق غدا السابع من سبتمبر يوم ميلاده

شكر خاص للى لحقونى

ايه فيه ، البلد زيها زى اى بلد تانية فيها الغنى و فها الفقير و فيها اللى بين البنين ، المشكلة ف الحقد اللى مالى قلوب الحاسدين واللى مش عايزين يتحركوا من مكانهم ، نصيحتى لهم جميعا لا تنتظروا المليان يكب ع الفاضى ، لأن المليان قريب اوى مش ح يكب الا من مكان واحد ميصحش اقوله

وآه......وآه.... يا ساكايار

بص هى الصرخة وجعانى أوى

بس

انا متأكد ان ربنا بيحبك و ح يحرصك دايما ف اى مكان و مع اى حد

مع الســــــلامة يا غـــــالى

فوقى بقه يا ست دنيـا

ايه يا ست دنيا انتى نسيتى نفسك ولا ايه ؟؟؟ لاء صحيح مالك فيه ايه ،تعالى نتكلم بصراحة ووضوح ،انتى لو مؤاخذة يعنى ف الكلمة تسوى ايه من غير ناس ياترى حيبقى لك قيمة من غير ناس ، ياترى حيكون شكلك ايه ،مين حيجيب سيرتك ، مين يطلب منك حاجة ، مين يجرى يتنطط لما يكون فرحان و يقول انك مش أد فرحته ، مين لما يبكى حيشكى لك همه ويقولك ليه يادنيا حظى فيكى قليل ، عشان كده عايزك تفوقى شويه
لازم تلمى نفسك حبة ووزعى شويه حنان ع خلق الله

بيل جيتــس

لما بيل جيتس و رفاقه فكروا يغزو كل بيت و شركة و هيئة فى امريكا ، كان لازم يدخل للناس من اهتمامتهم و طبيعة شغلهم ، عشان كده عمل الاوفيس و تطبيقاته.

ولما عمل الصور و الشات و الذى منه دخل الوطن العربى من أوسع أبوابه .الله ينور عليك يا بيل يا ابن الخواجة جيتس